စိတ်ဖိစီးမှု ကြုံတဲ့အခါမှာ လူတွေဘာလို့ ယမကာကို အရင်ဆုံး လိုအပ် ကြတာလဲ

တစ်နေကုန် အလုပ်ခွင်မှာ အလုပ်ရှုပ်ခဲ့ပြီးတဲ့နောက် ၊ ၀န်ထမ်း အများစုဟာ ယမကာ တစ်ခွက်လောက် သောက်ပြီး မောပန်းနေမှုတွေကို ဖြေဖျောက်လေ့ရှိကြပါတယ်။ အဲဒီ အမူအကျင့်နဲ့ ပတ်သက်ပြီး သိပံ္ပပညာရှင် ရှာဖွေတွေ့ရှိခဲ့တာကတော့ ယမကာ သောက်သုံးခြင်းဟာ စိတ်ဖိစီးမှုတွေအတွက် လူ့ခန္ဓာကိုယ် ရဲ့  သဘာဝအလျောက် တုံ့ပြန်ခြင်း တစ်မျိုး ဖြစ်တယ် ဆိုတာပါပဲ။ စိတ်ဖိစီးမှု ပမာဏ မြင့်တက်လာခြင်းဟာ ရှင်သန်ဖို့အတွက် လိုအပ်ချက်တွေကို တွေးခေါ်ပုံ ပြောင်းလဲသွားစေ ခြင်းအားဖြင့် ဦးနှောက် ရဲ့  ဓါတုပစ္စည်းတွေ ကို မတူညီ ကွဲပြားခြားနားမှုတွေ ဖြစ်လာစေပါတယ်။ စိတ်ဖိစီးမှုတွေက တဆင့် ဖြစ်ပေါ်လာစေတဲ့ ဦးနှောက်ရဲ့  အချက်ပြ အသိပေးမှုတွေဟာ ကျွန်ုပ်တို့ရဲ့  ခန္ဓာကိုယ်တွေကို တည်ငြိမ်စေဖို့ ၊ ကာကွယ်ပေးဖို့ အသွင်ဆောင်ပြီး အဲဒီ အသိပေးမှုတွေဟာ ယမကာ ၊ ကဖိန်း နဲ့ မူးယစ်ဆေးဝါး တို့လို စွဲလန်းစေနိုင်တဲ့ အရာတွေ အသုံးပြုပြီးတဲ့အခါ ဖြစ်ပေါ်တဲ့ အချက်ပြ အသိပေးမှု တွေနဲ့ တူညီနေပါတယ်။ ဒါ့ကြောင့် ယမကာဟာ ကျွန်ုပ်တို့ကို ကူညီနေတယ်ဆိုတဲ့ လှည့်စားမှုကို ဦးနှောက်ဟာ ကြုံတွေ့ ရင်ဆိုင်လိုက်ရပါတယ်။ ယမကာ သောက်တတ်သူတွေ ရဲ့  ဦးနှောက်တွေ အနေနဲ့လည်း ပိုမို သောက်သုံးဖို့ လိုအပ်တယ်လို့ လှည့်စားခံလိုက်ရပါတယ်။ အဲဒီလို ဦးနှောက်အတွင်းက အချက်ပြအသိပေးမှုတွေ ပြောင်းလဲသွားမှုဟာ ယမကာ မှီဝဲမှု ပမာဏ တွေကို တစ်ဖြည်းဖြည်း ချင်း မြင့်တက်လာစေနိုင်တာပဲ ဖြစ်တယ်လို့ သိပံ္ပ ပညာရှင်တွေက ဆိုပါတယ်။ ထို သုတေသနကိုတော့ Pennsylvania တက္ကသိုလ်မှာရှိတဲ့ အဖွဲ့တစ်ဖွဲ့က ဦးဆောင် ပြုလုပ်ခဲ့တာဖြစ်ပြီး အဲဒီ သုတေသီအဖွဲ့ဟာ ကြွက်တွေရဲ့  ဦးနှောက်ထဲ ကို စိတ်ဖိစီးမှု ပမာဏတွေ ထည့်သွင်းပေးလိုက်တဲ့အခါမှာ စိတ်ဖိစီးမှုမရှိတဲ့ ကြွက်တွေထက် ယမကာတွေ ပိုမို သောက်သုံးချင်စိတ်ဖြစ်ပေါ်လာတဲ့ စမ်းသပ်ချက်တစ်ခုကနေ အထက်ပါ ရလဒ်ကို ဖော်ထုတ်နိုင်ခဲ့တာပဲ ဖြစ်ပါတယ်။ "စိတ်ဖိစီးမှု ရှိနေတဲ့ ကြွက်တွေဟာ ပိုမို ပြီး ယမကာ ကိုသောက်သုံးကြတာကိုတွေ့ရသလို အဲဒီ ပိုမိုသောက်သုံးမှုတွေဟာလည်း ရက်သတ္တပတ် များစွာ အထိ ဖြစ်ပေါ် လာပါတယ်။ စိတ်ဖိစီးမှု ရဲ့  တုံ့ပြန်ပုံတွေဟာ ကျွန်ုပ်တို့ကို ကာကွယ်ဖို့ဆိုတဲ့ အသိပေးအချက်ပြမှု တွေ ပါဝင်နေပေမယ့်လည်း မူးယစ်ဆေး ၊ ယမကာ ၊ ကော်ဖီ အစရှိတဲ့ စွဲလန်းစေတဲ့အရာတွေဟာ ကျွန်ုပ်တို့ ဦးနှောက်ကို ပိုမို မှီဝဲတာ ကောင်းတယ်ဆိုတဲ့ အသိပေးမှုနဲ့ လှည့်စားလိုက်ပါတယ်" လို့ Perelman ဆေးတက္ကသိုလ်မှာရှိတဲ့ ပရော်ဖက်ဆာ ဒေါက်တာ John Dani က ပြောပြပါတယ်။ ထို သုတေသနကို ပြုလုပ်ခဲ့တုန်းကတော့ ကြွက်တွေကို တစ်ကယ့် အရက် အစစ် တွေ တိုက်ကျွေးခဲ့တာ မဟုတ်ပါဘူး။ သုတေသီတွေဟာ အီသနောလ်(ethanol) ပါဝင်တဲ့ သကြားရည်တွေကို တိုက်ကျွေးခဲ့တာ ပဲ ဖြစ်ပါတယ်။ လက်ရှိ အချိန်မှာတော့ ထိုသုတေသီ အဖွဲ့ဟာ အခြား သုတေသီတွေနဲ့ ပူးပေါင်းပြီး စိတ်ဖိစီးမှုတွေကြောင့် ဦးနှောက်ရဲ့  အချက်ပြ အသိပေးမှုတွေမှာ ယမကာ အလွန်အကျွံ သောက်သုံးဖို့ လှည့်စားခံလိုက်ရခြင်းနဲ့ ပတ်သက်ပြီး ထိန်းချုပ်ဖို့ ကူညီပေးနိုင်တဲ့အထိ အာရုံကြော အသိပေးမှု တွေကို ပုံမှန်ပြန်ဖြစ်စေမယ့် နည်းလမ်းတွေကို ရှာဖွေဖို့ တိုင်ပင်ဆွေးနွေးနေကြပါပြီ။ Ref:dailymail.co.uk